لسه في أمل في السينما المصرية ....
محمد خان ...مخرج جامد جدا ..و بيشوف كويس ..و بالتالي بيعرف يخلينا نشوف صورة حلوة ...كادرات و اضاءة مميزة .. و وسام سليمان ...بتعرف تكتب كويس ..هما دول صناع الفيلم ..عشان كدا الفيلم حلو و يستحق المشاهدة ...
انا باعرف ان الفيلم عجبني ..بغض النظر عن الحكم من الناحية الفنية و التكنيكية ..اني لما الفيلم يخلص يفضل معلم معاي ..و افضل جوا جو الفيلم فترة...دخلنا الفيلم في سينما مترو في وسط البلد ..اول ما خرجت من الفيلم ..كنا احنا الاتنين متنحيين ..مش مركزين ايه اللي بيحصل حوالينا ..كنا لسه جوا جو الفيلم ..و موده الهادئ الحالم..و فجأة رجعنا تاني للزحمة و الدوشة و الكلاكسات ..و الوقوف في طابور الايس كريم عند قويدر في طلعت حرب ..و كأننا بنقول هو في ايه !!
الفيلم بيأكد النظرية اللي بتقول ان التمانينات من افضل مراحل السينما المصرية..و ان مخرجي التمانينات من احسن المخرجين و هما اللي بجد قدروا يعبروا عنا و عن همومنا و مشاكلنا و اللي اكيد محمدخان واحد من الناس دي..و يا ريت نرجع تاني للواقعية الجديدة..و نشوف حاجات مختلفة و تمسنا بجد
مش هاحكي قصة الفيلم ..عشان انا ضد دا ..بس كل اللي هاقوله ..ان في الفيلم دعوة للتفاؤل ..و الامل و الحلم و أكيد الحب ..و ان الفيلم هيشدك ..رغم ان ممكن تحس انه ما فيهوش احداث كتير و ايقاعه مش سريع ..بس مش هتزهق
المخرج لما بيبقي مخرج ..بيبان ..و بيظهر جدا ..و دا كان باين علي الممثلين ..غادة عادل ..غادة عادل تانية غير اللي بنشوفها في كل الافلام..و تقريبا علي ما افتكر ان دي اول اشوف يوسف دواد بيمثل ..بيمثل بجد يعني ...مش بيفتح بقه و يضحك بس
اليوم كان ظريف جدا ...ميرسي ليكي يا افندم
انا باعرف ان الفيلم عجبني ..بغض النظر عن الحكم من الناحية الفنية و التكنيكية ..اني لما الفيلم يخلص يفضل معلم معاي ..و افضل جوا جو الفيلم فترة...دخلنا الفيلم في سينما مترو في وسط البلد ..اول ما خرجت من الفيلم ..كنا احنا الاتنين متنحيين ..مش مركزين ايه اللي بيحصل حوالينا ..كنا لسه جوا جو الفيلم ..و موده الهادئ الحالم..و فجأة رجعنا تاني للزحمة و الدوشة و الكلاكسات ..و الوقوف في طابور الايس كريم عند قويدر في طلعت حرب ..و كأننا بنقول هو في ايه !!
الفيلم بيأكد النظرية اللي بتقول ان التمانينات من افضل مراحل السينما المصرية..و ان مخرجي التمانينات من احسن المخرجين و هما اللي بجد قدروا يعبروا عنا و عن همومنا و مشاكلنا و اللي اكيد محمدخان واحد من الناس دي..و يا ريت نرجع تاني للواقعية الجديدة..و نشوف حاجات مختلفة و تمسنا بجد
مش هاحكي قصة الفيلم ..عشان انا ضد دا ..بس كل اللي هاقوله ..ان في الفيلم دعوة للتفاؤل ..و الامل و الحلم و أكيد الحب ..و ان الفيلم هيشدك ..رغم ان ممكن تحس انه ما فيهوش احداث كتير و ايقاعه مش سريع ..بس مش هتزهق
المخرج لما بيبقي مخرج ..بيبان ..و بيظهر جدا ..و دا كان باين علي الممثلين ..غادة عادل ..غادة عادل تانية غير اللي بنشوفها في كل الافلام..و تقريبا علي ما افتكر ان دي اول اشوف يوسف دواد بيمثل ..بيمثل بجد يعني ...مش بيفتح بقه و يضحك بس
اليوم كان ظريف جدا ...ميرسي ليكي يا افندم
3 comments:
أناكمان الفيلم عجبني قوي،
و خرجت منه مبسوطة و متفائلة،
هاا ....همم..يا فندم ..ميرسى لحضرتك ..حضرتك ناسى ان الفيلم كان عربى ؟؟ بس بجد الفيلم عجبنى انا كمان ..و عموما انا مش بيفرق معايا قوى الاحداث و المضمون الجامد ..قد ما بيفرق معايا حاجه احسها او صورة حلوة اشوفها و فى الاخر فيلم ماسك نفسه ..يعنى سيناريست كويس و مخرج بيفهم يا فندم ..
Post a Comment