دائما ما تذهب محاولاتنا للتوفير هباءا ...
امبارح مساءا ..أكلنا(طاجن أبو حنفي اللي هوا في كل الفروع ب 2.5 ما عدا فرع وسط البلد 4 جنيه ) و حلينا( جبنا جاتوة الشيكولاتة و المنفاي العظيم ) و شربنا( حاجة ساقعة ..بيبسي ..فيروز ) ..كل دا علي القهوة ..و الدنيا كانت ظريفة
و عشان احنا المفروض نوفر ..و كان عندنا حاجات كنا عايزين نعملها و كنا محتاجين نقعد في مكان هادي ..زو بعد تفكيـــر سريع ..قولنا بلاش خراب بيوت ..و بلا كافيهات ..و جروبي و الامريكين و سلينترو الي اخر هذه القائمة ..
و نروح الحديقة ...علي أساس انهم تذكرتين ب 2 جنيه أو 4 جنيه بالكتيـــر و خلص الموضوع علي كدا !!
و لكن لأ ...الموضوع مش كدا في حديقة النصر (اللي في وش الاوبرا)..بعد التذاكر ..و دخول الحديقة ...هتكتشف ان الحديقة كلها كافيتريا ..و لازم تشرب حاجة ..و أقل حاجة ممكن تشربها هي كابتشينو بخمسة جينه ..زائد خدمة الناس الحلويين اللي هناك !!! تبيس يعني ..
و كمان مشونا بدري و ملحقناش نعمل اللي كنا عايزنه ...و بالتالي من رايح اتعلمنا درس كويس ...
يا رب نعرف نحوش بقي !!! المشوار لسه طـــــويل :-)
Subscribe to:
Post Comments (Atom)
3 comments:
ما تفكرنيش بمشروعات التوفير دي
:)
علي فكرة , موضوع ان كل الحديقة كافيتيريا ده نصب و بلطجة
انا عمري ما طلبت حاجة
بس الموضوع ما سلمش أيام الخطوبة من رذالة و سخافة
البلطجية لو ما عرفوش يجبروك تطلب هايسخفوا عليك و يعملوا دور المدافعن الشرف و الاخلاق , و ما يرضيهمش انك تقعد لوحدك انت و خطيبتك , مع العلم ان اللي بيطلب حاجة بيسمحوا له يحول الحديقة اوضة نوم عادي .
و المشكلة ان ادارة الحديقة غالبا بتبقي حاجة زبالة و متواطئة معاهم .
في الغالب هاتلاقي نفسك بتتجنب الحدائق دي و تروح حتة أغلي زي حديقة الأزهر أو تقعد في كافيه و تنسي خطط التوفير .
تفتكر عاوزين حملة ندافع فيها عن الحدائق العامة؟
يا ريت يا عمرو..عايزين ندافع عن اي حاجة ..و ناخد حقنا في اي حاجة..
احنا عندنا تجارب في كذا حتة ..و كذا حديقة ..كله لازم نطلب و نكع كعة حلوة ..بدءا من القناطر و المنيل و وسط البلد و النيل ..
ساعات الكعة بتبقي مقبولة يعني الكانز ب تلاتة جنيه ..و ساعات بتبقي أوفر جدا!!!
و امبارح بالذات كان معانا اللاب تـــوب و دا يمكن زود الموضوع شوية ..
هتطلبوا يعني هتطلبوا ..هاااا
او هنرخم عليكم و نقرفكم و نخليكم ما تعرفوش تقعدوا شويه من غير وجع دماغ ..هه
اما بالنسبه للتحويش دا بقى ..فبقالى اكتر من 10 سنين بحلم انى احوش ..تفتكر هيجى يوم و نقدر؟؟
Post a Comment