انا فاكر كويس ..في محاضرات التنمية البشرية ...كانوا يقعدوا يتكلموا كتيـــــر عن الطاقات الكامنة ...و ان الانسان ما يعرفش قدراته و ما يعرفش نفسه اصلا ..و ان كل الي باين لنفسه هوا جزء بس ..جزء صغير زي جبل التلج ...اللي بيظهر منه 20 % بس فوق السطح و ان ال 80% الباقيين موجودين جوا ما حدش شايفهم ..و ان الناس بقي بتشوف جزء صغير من ال 20%..
يااااه ..دا الموضوع مش سهل ...و البني ادميين مش سهليين خالص ..بس النقطة ان الواحد مع الوقت بيكتشف نفسه ...واحدة واحدة ..و بيكتشف ان ساعات الواحد مش زي ما هو فاكر نفسه ..او بيقول علي نفسه ...يعني الواحد بيبقي واحد تاني ...انا علي طول باقول علي نفسي ...اني مش باحب الكلام كتيـــــر ..بس مؤخرا اكتشفت ان ساعات باتكلم و باتكلم كتيــــر كمان ..بس بعد شوية وقت ...بعد ما الين ...فيا تري انا باتكلم عشان انا اصلا باحب اتكلم و ما كنتش عارف كدا و لا باتكلم عشان اناباتكلم مع حد بيعرف يخليني اعرف اتكلم ..سؤال وجيه؟؟
تاني حاجة ...المفروض ان الايام الجاية ...الدنيا حتختلف ..و الدنيا حتحلو ...ساعتها ..انا محتاج لجبل التلج !!و محتاج لكل الطاقات الكامنة .. و محتاج لكل الماس اللي جوا ..الماس اللي جوا اللي تحت الفحم و تحت الماسكات .اااااه الماسكات...تقريبا واضح كالمعتاد اني بعد فترة من الكلام بابتدي ادخل الكلام في بعضه :-) ..المهم انا في انتظار الطاقات اللي تحت جبل التلج اللي جوانا . .. ..
1 comment:
بمناسبة ال80% و ال20% برضه في اتجاه تاني بيقول ان ال80% هي نفسك اللي بتظهر للناس متزوقة و زي الفل و ال20% دول همه الجزء المستخبي عن عيون الناس و هي نفسك الحقيقية اللي بتواجهك كل يوم و تواجها قبل ما تنام و لما تيجي تحاسب عن نفسك عن يومك.. عن عمرك.. عن حياتك كلها.
بوست عميق يستحق من التأمل الكثير.
Post a Comment