Samba !!! ---ٍٍSamba Di Somewhere

يوميين بالظبط دلوقتي و المزيكا دي مش سايبة دماغي ...اليوميين دول كان يوميين مهميين جدا ..حاجات كويسة حصلت ..و ناس اتقابلت ..و اتفقت ..يعني حاجات جامدة و امبارح كان تلات مشهود زي ما رفيقة الدرب كتبت ..و الحمد لله انا مبسوطيين جدا ..و كعادتنا الانبساط يؤدي الي حالة من التهنيج و عدم القدرة علي الكلام و التعبير ..يؤدي الي حالة من حالات النيرفانا ....و اكييد لازم اكتب عن اليوم دا بالتفصيل و المواقف اللي حصلت ...و الحواديت و كدا يعني ...

ٍٍSamba Di SomeWhere...

دي بقي تراك من البوم الرعد ..بيلعب فيها فرانك جامبالي و شيك كوريا ..و دول ناس جامديين جدا في عالم الجااااز..و احنا لينا عودة مرة مع الجاااز و عالمه ..للي يحب يسمعها ممكن ينزلها من الوصله اللي تحت

ٍSamba Di SomeWhere !!

---

frank gambale== فرانك جامبالي
Chick Corea== شيك كوريا
Thunder from Down Under==البوم الرعد

كلامي ....

زملائي (في العمل ) بيقولوا ان الكلام دا انا علي طول بقوله ...

• ما فيش مشاكل

• عادي

• خير ..

• خير ..ان شاء الله

• عادي ..و ايه المشكلة ...

• ايوة !!!

• اللي عايز حاجة هاعملهالو

و الكلمة الاشهر ..

الموضوع بسيط ...


و اكتر حكمة قولتها عجبتهم ...لما لها من تأثير عليهم في تعاملات العمل و التعامل مع المديرين

تتكلم كتيــر تغلط كتــير ...تتكلم قليل تغلط قليل..

---

ف..ايه بقي ؟!!!

يا فتاح يا عليم!!....يا رزاق يا كريم !!!

صحيت الصبح ...... و قولت اخد لفة علي النت كالمعتاد مع لقمة الفطار ( لقمة علي اساس اني مش باكل ..باكل بس حاجة عشان يبقي اسمي فطرت )..فتحت الميل ...شوفت بلوج الناس الكويسيين و صحابنا الكويسيين ..عشان اشوف ايه الجديد و اخبار الدنيا عندهم ايه ..بعد كدا قولت اعدي علي مصراوي ..عشان ابص بصة علي اخبار بلدي ..و ابقي متابع الاحداث الجارية ...خبطت علي في الخبر دا

القوات اللبنانية والمتشددون يشتبكون لليوم الثاني

و عديت عليه بسرعة و لبست اوام و نزلت علي طول استعدادا ليوم طويل شاق كالمعتاد ...



و بما ان انا كنت عارف ان اليوم شاق و طويل و اوله رحلة طوية من أهرامات الجيزة الي حلوان ....فقولت نجييب الجورنال زي زمان ....عشان نعرف برده ايه الجديد و البلد رايحة علي فين ...
لقيت المانشيت الرئيسي ايه !!

"نزيف الدم ينتقل إلي لبنان ..مقتل ٢٣ في اشتباكات عنيفة بين الجيش اللبناني ومسلحين فلسطينيين"

تفاصيل الخبر هنا


لا حول و لا قوة الا بالله ...

يعني .... العراق ..فلسطين ....السودان .. لبنان من تاني..العياط ...يااااه ..انا ايه اللي خلاني اجيب جرايد تاني ..و الفشار السياسي يشتغل تاني ..


و اسأل نفس نفس السؤال من تاني ..و بعدين ..هنعمل ايه ...ايه القضية و ايه هي الهوية... الهوية ... ححكي شوية عني و عن زيي كتير ... احنا اتنين ...المفروض اننا متعلميين تعليم كويس ( كليات قمة يعني و مدارس كويسة ) و بنحاول نعمل حاجة و ان شاء الله هنعمل حاجة ... و اكيد طبعا عندنا مشاكل و هموم شخصية ..اقتصادية ...اجتماعية .. بس في الاخر كلنا طموح و امل و ثقة و حب ...الاتنين دول اللي بيكافحوا عشان يعملوا حاجة و يبقوا سوا ..عايشيين برده في وطن مهموم بمشاكله السياسية ..و الاقتصادية ..و الاجتماعية ..وطن مطحون هوا التاني ... من جوا عنده بلاوي ...ديموقراطية ..تيارات سياسية ..دينية ..مدعيين ..بلاوي متلتلة ...الوطن دا برده عنده كارثة ..عشان هوا المفروض جزء من وطن اكبر ..فيا تري الوطن الاكبر ..دا انهو واحد فيهم ؟؟؟...الامة الاسلامية ... و لا العالم العربي (القومية العربية )... القارة ... الافريقية ... و في الاخر ساعات كتيير بنبقي منبوذيين و يقولوا علينا الفراعنة ..يعني مالكوش دعوة بكل دول ..


كالعادة بافتح المواضييع و مش باعرف اكمل او اقفل ..خلاص ....قرغت اللي في دماغي ...

صباح الخير يا بلد ....

و كل ماتش أهلي و زمالك و انتوا طيبيين ...

دكتور وصف لعيان قبل كدا ..انه ما يقراش جرايد خالص ..عشان تأثيرها المضر عليه ..تقريبا انا هامشي علي نفس الروشتة

---

يا افندم ..اليوم ما ينفعش من غير سعادتك ..ما لوش طعم ...هاشوفك اكيد قريب ..

موجز الانباء..علي السريع

كسرنا اول حيطة.. :-)
يا تري لسه فاكرين الحيطان

I've Changed , Believe me !!!

امبارح ...كنت زعلان مني اوي و قعدت حبة زعلان اوي من نفسي ...فجأة حسيت اني بجد اتغييرت عن زمان ...كان عندي حاجات و مبادئ و فجأة اتخليت عن كل كدا ..كنت بافكر في الناس (العيال "شباب الوفاء "- اهل الشغل ) كتيـــر و كنت دايمان باهتم بمشاكلهم ...و افكر فيهم و احافظ علي العلاقات و ادور عليهم فين في الدنيا ..و فجأة حسيت اني بطلت اعمل كدا ..و بقيت بشكل من الاشكال بافكر بنفسي بس ...او بمعني أصح بقيت بافكر فينا ..بافكر فينا احنا و بس و كنت زعلان جدا...و حاسس ان كدا غلط ..و اني لازم ارجع اخد بالي من اللي حوالي و افوق تاني للدنيا و اصحصح مع الناس ...

كنت علي طول خصوصا في الشغل حاسس ان الناس دي مسئوليتي ..قبضهم ..دراستهم ..حياتهم ..كل حاجة ..و امبارح اكتشفت اني بقيت بافكر في نفسي ..يعني انا هاعمل ايه ..و اكسب ايه ..و الفلوس..الفلوس اد ايه ..الفلوس اد ايه ..ليه انا بس ..مش باحسب لحد تاني زي ما كنت متعود اعمل ...زعلت مني جدا..

و بالذات لما الاقي ناس حلوة ...فاكرني ..ناس لسه اعرفهم قريب ..بس باحس اني اعرفهم من زمان و موجوديين معايا في الدنيا ...و الناس مهتمة بيا ..و الناس معايا اوي و بتسأل..و فارحنين باللي بيحصل ..غريبة

روحت البيت و كلي نية و عزم اني اشوف الناس ...بس للاسف روحت ما لقيتش ناس ...لقيت الناس مش موجودة ..وانا اصلا مش موجود عند الناس دي ..و كل واحد في الدنيا بتاعته و لا علي باله حد غيره ..كاني كنت لسه معاهم ...سبحان الله

شجر ...في الشغل عمال البس في شجر ..كل شجر أكبر من اللي قبليها ...المشكلة اني مش باحب نوع الفاكهة اللي شجر الشغل بيطلعوا ....و بالتالي طعم الشجر مر ...رغم ان لما بنبيع المحصول ...بتبقي الغلة الي حد ما كويسة !!!!!...

يا افندم ما فيش ناس خلاص ..اللي بيفضل الناس اللي في البيت و الناس الكويسية الحقيقيين ..و ساعات باوصل حتي اني بقول ما فيش ناس خالص و لاحتي الناس اللي في البيت !!!

بادفوت ...بجد البوست بتاعتك فرقت معاي كتيير اوي ..و فوقتني و حسستني ..رغم اني باقول اني مش موجود..و ما فيش ناس و الكلام دا ..بس لسه فيه ناس

مازال للحديث بقية ....ممكن اكمل بعديين..لما اخلص من الشجرة اللي قدامي

يا تري ميين اللي صح ...و مييين اللي غلط !!!

اللهم نسألك التوفيق و البصيرة

في شقة مصر الجديدة ....

لسه في أمل في السينما المصرية ....

محمد خان ...مخرج جامد جدا ..و بيشوف كويس ..و بالتالي بيعرف يخلينا نشوف صورة حلوة ...كادرات و اضاءة مميزة .. و وسام سليمان ...بتعرف تكتب كويس ..هما دول صناع الفيلم ..عشان كدا الفيلم حلو و يستحق المشاهدة ...


انا باعرف ان الفيلم عجبني ..بغض النظر عن الحكم من الناحية الفنية و التكنيكية ..اني لما الفيلم يخلص يفضل معلم معاي ..و افضل جوا جو الفيلم فترة...دخلنا الفيلم في سينما مترو في وسط البلد ..اول ما خرجت من الفيلم ..كنا احنا الاتنين متنحيين ..مش مركزين ايه اللي بيحصل حوالينا ..كنا لسه جوا جو الفيلم ..و موده الهادئ الحالم..و فجأة رجعنا تاني للزحمة و الدوشة و الكلاكسات ..و الوقوف في طابور الايس كريم عند قويدر في طلعت حرب ..و كأننا بنقول هو في ايه !!

الفيلم بيأكد النظرية اللي بتقول ان التمانينات من افضل مراحل السينما المصرية..و ان مخرجي التمانينات من احسن المخرجين و هما اللي بجد قدروا يعبروا عنا و عن همومنا و مشاكلنا و اللي اكيد محمدخان واحد من الناس دي..و يا ريت نرجع تاني للواقعية الجديدة..و نشوف حاجات مختلفة و تمسنا بجد

مش هاحكي قصة الفيلم ..عشان انا ضد دا ..بس كل اللي هاقوله ..ان في الفيلم دعوة للتفاؤل ..و الامل و الحلم و أكيد الحب ..و ان الفيلم هيشدك ..رغم ان ممكن تحس انه ما فيهوش احداث كتير و ايقاعه مش سريع ..بس مش هتزهق

المخرج لما بيبقي مخرج ..بيبان ..و بيظهر جدا ..و دا كان باين علي الممثلين ..غادة عادل ..غادة عادل تانية غير اللي بنشوفها في كل الافلام..و تقريبا علي ما افتكر ان دي اول اشوف يوسف دواد بيمثل ..بيمثل بجد يعني ...مش بيفتح بقه و يضحك بس


اليوم كان ظريف جدا ...ميرسي ليكي يا افندم

Believe

As they Are Fighting ..My Two Sides ...Me and My Self ...My Dark Side ..chose Metallica "Sad But True" to Speak on his Behalf...The Other Side Chose Savatage "Believe"

Am The Way...Am The Light ...and In The Dark ..Don't turn Away..Just Take My Hand !!

---

So after all those one night stands
You've ended up with heart in hand
A child alone
On your own
Retreating
Regretful for the things you're not
And all the things you haven't got
Without a home
A heart of stone
Lies bleeding

And for all the roads you followed
And for all you did not find
And for all the dreams you had to leave behind

I am the way
I am the light
I am the dark inside the night
I hear your hopes
I feel your dreams
And in the dark I hear your screams
Don't turn away
Just take my hand
And when you make your final stand
I'll be right there
I'll never leave
And all I ask of you
Believe
Your childhood eyes were so intense
While bartering your innocence
For bits of string
The grown-up wings
You needed

But when you had to add them up
You found that there were not enough
To get you in
Pay for sins repeated

And for all the years you borrowed
And for all the tears you hide
And for all the fears you had to keep inside

I am the way
I am the light
I am the dark inside the night
I hear your hopes
I feel your dreams
And in the dark
I hear your screams

Don't walk away
Just take my hand
And when you make your final stand
I'll be right there
I'll never leave
And all I ask of you is
Believe

I never wanted to know
Never wanted to see
I wasted my time
Till time wasted me
I never wanted to go
I always wanted to stay
'Cause the persons I am
Are the parts that I play
So I plot and I plan
And I hope and I scheme
To the lure of a night
Filled with unfinished dreams
And I'm holding on tight
To a world gone astray
As they charge me for years
I can no longer pay

I am the way
I am the light
I am the dark
Inside the night
I hear your hopes
I feel your dreams
And in the dark
I hear your screams
Don't turn away
Just take my hand
And when you make your final stand
I'll be right there
I'll never leave
And all I ask of you

Believe

Savatage (Believe)

Download

*Believe (acoustic)
*Believe (Original Version)